|
Евлой Руслан, 08.12.2006 19:51
Ва ГIАЛГIАЙ! Фу хиннад вайна?! Мичад къонахий къонахчал? Мича дахад эхь? Мичай яхь? Мичад эздел? ХIанна дIадаьннад вай юхь тIара эхь? ХIана деннад вай денал селла кIезига? ХIана хиннаб къонахех маIеш? Мича дахад массаболча лоалахоша лоархIаш, оагIув озаш хинна гIалгIай къонахий денал? Фу бахьан да тахан вай селла эсалла даьнна дIаовттара? Фуд из: пайда? рузкъа? кхерам?... Дог кхоарцадича Iелац таханарча денна вай дикагIа ба яхача маIеша (къонахий-м оалача а дацар царех, цар хьагойтачох) президента Зязиков Мурато вIалла мах а, дош а доца аргIанара цIералг ахчах ийцай аьнна, ше-ше хьалха вала гIерташ цунга яздеш латта "сийлен" йоазонаш Iодийшача. ЦаI лел "туркмений вар Сапармурат ва, тха вар "Супермурат" ва" яхаш, вокхо яздер деррига а кIалхьож да: "Дала лаьтта дайта ший лир да хьо, Мурат!" - йох цо. (Астофируллахь! Дала ше лорадолда вай шайтIана белхагIа.) Ванах, фу хурд-те "Россе Турпал" яха цIи цо эце?!... ТIаккха-м Зязик-наькъан цIи лелаеш мел волчун цхьан юкъа лувча сапа эца дезаргдац, мотт сона. ХIама а дацар, уж ди-юккъа ийеш латта цIеральгаш а, аьшкана сийленгаш кIатта-мукъане а мах болаш а, лоархIам болаш а яларе. Даьла возалора, уж эсала гIулакхаш бахьан долаш, къамах гIалгIа ва ала эхь хетача дIаотташ ма латт, кIеззига хинна а иман, эхь, юхь, яхь йолаш вола вайнаьха саг - маIа а, кхал а мелла бараш. Масала, хьаэц вай укх деношка цу тайпа "сийлен" йоазош Зязиков Муратага яздаь Россе Федераце Федераце Совета доакъашхо, ГIалгIай Республика викал Къоастой Махьмада Iийса. Массанена а ховш, таханарча денна цхьаккхача сагагара гIулакх, хьама эш ала йиш йолаш вац из. Цул совгIа, ерригача Россе а лаккхача боараме ший цIи дIаоттаяь саг ва. Зязиков Мурата уллув дуккха а алсамагIа а ва. Бакъда, гучох, цу ший лагIана мах ховш вац. Цо язду: "С огромной радостью воспринял новость о вручении Вам премии "Политик Года". Это событие отражает серьезные социально-экономические и политические достижения Республики Ингушетия, ее трудолюбивого народа, а также Ваш личный вклад в укрепление государственности Российской Федерации. <...> Под Вашим руководством Ингушетия добилась значительных успехов в социально-экономическом и общественно-политическом развитии. Много сил Вы вкладываете в повышение благосостояния жителей Ингушетии, обеспечение гражданского мира и поддержание межнационального и межконфессионального согласия в республике. Благодаря лично Вам Ингушетия вышла на международный уровень, стала узнаваемой". Доккха Iалаьмат да, хьона, - одним словом! ШоллагIа со цец-амаxа ваьккхар ва Татриев Мухьмад, ГIалгIай Республика парламента председатела заместитель. Из а вац хьалхарчул тIехьвусаш. Цо а йоах: "Я с удовлетворением узнал, что группа компаний холдинга "Совершенно секретно" по результатам читательского рейтинга журнала "Лица" приняла решение объявить Президента Республики Ингушетия "Политиком года". Эта награда говорит о Вашей толерантности, гуманности и дальновидности. Награда "Политик года" почетна, весома и ответственна. Мы наблюдаем экономический рост, видим, как повышается благосостояние народа. Ингушетия это уже стабильный, динамично развивающийся регион, который по многим экономическим показателям опережает многие регионы России. Жители республики справедливо связывают свои надежды на лучшее завтра с Вашим именем". Хала а цец вала а дацар, нагахь санна шоай даггара цар уж дешаш яздоре, бокконца царна хетар из даларе. Шийна бокконца хетар а, ше дег тIара къоабал дер а саго алара-м хIама дац, президентага оале а, хьаннахчунга оале а. Хала я киловзал, хьаннахчунгара из яле а. Цар тоабанца цхьана боагIа ГIалгIай Республика парламента председатель Сакалов Мухьмад, ГIалгIай Республика Контрольно-счётни палата кулгалхо Белхароев Мухьмад. Уж а, царна тIехьа боагIараш а вIалла бувца, белгалбе ца эшаш, дика бовзаш ба, цудухьа цар иштта яздарах-м вIалла цец вала эшаш дац. Республике фу парламент я, малагIа "контроль" я, фу тайпа "счёт" я дика гуш да вайна. ХIета а цу наха дуненахь чIоагIа цец-амаха ваьккхав со. Аз къаьстта белгал бераш Костоев Iийсаи, Татриев Мухьмади ба. Уж нах сона дика бовзаш хиларал совгIа, царца са дукха къамаьл хинна децаре, цар дегчурдар, царна боккъонца хетар ца ховре, цар нигат мадарра сона довзаш, ховш децаре-м со теша а мегар цар яздер цIена хиларах. "Селхан", цу Зязиков Мураталла вогIа саг а вац, цо мохк а, къам а хIалак даьд, яхаш кадаш, шоаштта моггача беса воча, ийрчача дешашца из саг вувца а вийца, "тахан" - хьо мо сийленч укх лаьтта Дала кхы хьакхеллавац, йох цар. Мишта кхетаде деза из? Цхьаккхача хIамаха вIалла эхь а, бехк а долий-хьогI цанна? "Лицемерие" яхаш дош да эрсий маттаца. ГIалгIай метта а, Iарбий метта а да цун маIан дола дешаш. ГIалгIайдар - цIенача, сийдолча гIалгIашта дут аз, Iарбий дар - Iарбашта а, цIенача бусулбанашта а дут. ХIета, ер, эрсий меттацара дар, укх мегача гIалгIай а, Iарбий-бусулбаний а хьам баларгаех хьокхадаь белгалду аз. "Лицемерие" яхар - лаьтта мелла дахача адамо дегаза, во, ийрча лоархIача сага оамалех цаI я. Лицемераш Дала эггара вогIа, йрчагIа, кхерамегIа лаьрхIа нах ба, Дала шийх баьхаб аьнна белгалбаь ба. Юхь-духьал - цхьа къамаьл, юхь-тIехьашка - кхы тайпа къамаьл дола нах ба уж. Ший юхь тIа иман, дег чу ислам долаш вола саг Дала лораволва царех! Дала ше йойла массарашта а ший нийсса кхел! Кхы са дац царех ала: Дала со а, цIена, нийса хила мел гIератар а лораболба цу наьха ловцахи, цар сардамехи: цар во а, цар дика а сона гаьна хилда. Са дог кхоард царех а, уж санна болчарех а!
Евлой Руслан
| 
Отправить другу
Версия для печати